საგარეჯოს მუნიციპალიტეტის ახალარჩეული მერი მოვალეობის შესრულებას შეუდგა

13 ნოემბერი, 2017

 

დღეს საგარეჯოს მუნიციპალიტეტის ახალარჩეული მერი გიორგი ერბოწონაშვილი უფლებამოსილების შესრულებას შეუდგა. გიორგი ერბოწონაშვილი თანამშრომლებს საგარეჯოს მუნიციპალიტეტის ყოფილმა გამგებელმა გიორგი გზირიშვილმა წარუდგინა და სამომავლო საქმიანობაში წარმატება უსურვა. „ ჩემთვის დიდი გამოწვევაა, რომ საგარეჯოს მოსახლეობამ ნდობა გამომიცხადა და მომცა უფლება ასეთ საპასუხისმგებლო თანამდებობაზე მემუშავა. მე ყველა საშუალებას გამოვიყენებ, რომ თითოეული საგარეჯოელის ნდობა გავამართლო და საგარეჯო ერთ-ერთ წარმატებულ მუნიციპალიტეტად ვაქციო საქართველოში.“ განაცხადა გიორგი ერბოწონაშვილმა. შეგახსენებთ, რომ გიორგი ერბოწონაშვილმა ადგილობრივი თვითმმართველობის არჩევნებში 69,37 %-ით გაიმარჯვა.

გააზიარე